مرقد گبرك لو جنه ....

[خضير المسيباوي]

محتار أنه أنشد عنه *** مرقد گبرك لو جنه
***********************
(1)
بين إجروحك وإجروحي ...
مشدودة بحبك روحي ...
ومن گبرك تسمع نوحي ...
أشرح بدموعي المحنه *** مرقد گبرك لو جنه
(2)
جيتك والدمعة بعيني ...
غيرك منهو اليشفيني ...
بينك أشكي وما بيني ...
تفهم گلبي وكل حزنه *** مرقد گبرك لو جنه
(3)
يمك مايحچي ألساني ...
بعينك تفهم أحزاني ...
ومن أوگف يمك أني ...
برض الطف چن خيمنه *** مرقد گبرك لو جنه
(4)
أذكر بالطف أيامك ....
وأذكر لوعة آلامك ....
وعيني منتشوف أيتامك ...
تجري الدمعة أعله الوجنه *** مرقد گبرك لو جنه
(5)
خظبوا جسمك من دمه ....
وإنته المنقذ هالأمه ....
وتدري بگلبي شگد همه ...
سيف الضدك رد ضدنه *** مرقد گبرك لو جنه
(6)
يحسين أشكيلك حزني ....
مظلوم إنته وتفهمني ....
بعينك من أتشاهدني ....
تدري بگلبي شچم ونه *** مرقد گبرك لو جنه
(7)
شوف الشيعة بيا حاله ....
صيحات الهم تتعاله ....
والحگ ضيعنه أرجاله ...
وبس مركب حبك ألنه *** مرقد گبرك لو جنه

[منار]

مرقد گبرك لو جنه وهي اكيد روضة من رياض الجنة
سلام الله عليك يا سيدي يا حسين يا شهيد

صدقت اخي المؤمن المسيباوي
سلمت يمناك وفي موازين اعمالك الصالحة هذه الابيات الراااائعة

بشغف لجديدك



تحياتي



.

[يوم ميلادي]

قصيدة جميلة
الله يعطيك العافية